«Patchwork» անվամբ հանդես եկող հաքերային խմբի գործողությունները նկատվել են Չինաստանի համալսարանների և գիտահետազոտական կազմակերպությունների շրջանում:
Ըստ KnownSec 404 Team-ի, հարձակման ժամանակ փորձ է արվել «EyeShell» backdoor-ի կիրառումը:
Patchwork-ը, որը հանդես է գալիս նաև՝ Operation Hangover և Zinc Emerson անուններով, կասկածվում է որպես հաքերային խումբ, որը գործում է Հնդկաստանի հովանավորության ներքո: Խումբը կազմավորվել և գործում է 2015 թվականի դեկտեմբերից:
Այս տարվա մայիսի սկզբին Meta-ն բացահայտեց, որ 50 օգտահաշիվ է ջնջել Facebook-ից և Instagram-ից, որը գործել է Patchwork-ի կողմից և օգտագործել է Google Play Store-ում վերբեռնված հաղորդագրությունները՝ հավաքագրելով Պակիստանում, Հնդկաստանում, Բանգլադեշում, Շրի Լանկայում, Տիբեթում և Չինաստաում գտնվող օգտատերերի տվյալները:
Secureworks-ի կողմից փոխանցված տվյալների համաձայն մի շարք նոր հարձակումներ են նկատվել ուղղված՝ Հնդկաստանի իրավապաշտպաններին, գիտնականներին և իրավաբաններին:
Կիբերանվտանգության ոլորտի ընկերությունը մանրամասնեց նաև ֆիշինգային հարձակումների ևս մի հատված, որը կազմակերպվել էր Bitter կոչվող հաքերային խմբի կողմից և ուղղված էր օդատիեզերական, ռազմական խոշոր ձեռնարկություններին:
Հարավային Ասիայի հաքերները նախկինում հայտնաբերվել էին նաև Չինաստանի միջուկային էներգիայի արդյունաբերությունը թիրախավորելու համար:
Աղբյուրը՝ https://thehackernews.com/
