Նյու Յորքի բնակիչ 24-ամյա Ջոզեֆ Ջեյմս Օ’Քոնորը (նույն ինքը՝ PlugwalkJoe-ն) ազատազրկման պատիժ է ստացել այն բանից հետո, երբ մեղավոր է ճանաչվել հանցավոր սխեմաների գործարկման մեջ: Նա ձերբակալվել է 2021 թվականի հուլիսին, Իսպանիայում:
Twitter breach-ը ամբաստանյալին և նրա հանցավոր համախոհներին թույլ է տվել չարտոնված մուտք ունենալ Twitter-ի կողմից օգտագործվող backend գործիքներին: Չարաշահելով դրանք՝ առևանգել է 130 հանրաճանաչ հաշիվներ, որոնք ծառայեցվել են կրիպտո-խաբեություն իրականացնելու համար: Արդյունքում գրանցվել է մոտ $120,000 անօրինական շահույթ:
«Համահեղինակները Twitter-ի օգտահաշիվների հասանելիությունը վաճառել են ուրիշներին», – ասել է ԱՄՆ արդարադատության նախարարությունը (DoJ):
«Օ’Քոնորը բանակցել է նաև այլ համախոհների հետ՝ Twitter-ի մի շարք օգտահաշիվներին չարտոնված մուտք ստանալու համար»:
«Գողացված կրիպտոարժույթը խարդախ ճանապարհով յուրացնելուց հետո Օ’Քոննորը և նրա համախոհները լվացել են այն տասնյակ փոխանցումների և գործարքների միջոցով: Կրիպտոարժույթի մի մասը փոխանակվել է բիթքոյնով`օգտագործելով կրիպտոարժույթի փոխանակման ծառայությունները», – նշում է Դատախազությունը:
Օ’Քոնորի կողմից կատարված հանցագործությունների ցանկում է նաև երկու օգտատերերի կիբերհետապնդումը, ներառյալ անչափահաս օգտատիրոջ հետապնդումը:
Օ’Քոնորին, ով նշում է, որ իր հանցագործությունները «անմեղ են և անիմաստ» սպառնում է երեք տարվա վերահսկվող ազատազրկում:
Աղբյուրը՝ https://thehackernews.com/
