Բացահայտվել են VirusTotal-ին կցված ենթաբազմության տվյալները՝ ներառյալ անվանումներն ու էլ. փոստի հասցեները:
Բացահայտումն առաջին անգամ ի հայտ եկավ և արձանագրվեց Der Spiegel-ի կողմից: Այն իր մեջ բովանդակում է՝ 313 KB ծավալի, 5600 անուններից բաղկացած տվյալների բազա:
Google-ն ի վերջո հաստատեց տվյալների արտահոսքի իսկությունը և հայտնեց, որ անհապաղ քայլեր է ձեռնարկում կասկածելի տվյալները հեռացնելու համար:
«Մենք տեղյակ ենք VirusTotal հարթակում մեր աշխատակցի կողմից իրականացված քայլերի մասին», – The Hacker News-ին ատված հարցազրույցում նշել է Google Cloud-ի ներկայացուցիչը:
«Մենք ցանկն արագ հեռացրել ենք հարթակից դրա տեղադրումից ուղիղ մեկ ժամ հետո: Ինչպես նաև ուժեղացրել ենք ներքին վերահսկողությունը՝ հետագայում մեր աշխատանքային գործառույթներն ավելի արդյունավետ դարձնելու համար»:
Տվյալների շարքում ներառված են նաև այնպիսի կարևոր օգտահաշիվներ, որոնք անմիջական փոխկապակցում ունեն ԱՄՆ պաշտոնական կառույցների հետ, ինչպիսիք են՝ Cyber Command-ը, Արդարադատության նախարարությունը, Հետաքննությունների դաշնային բյուրոն (FBI) և Ազգային անվտանգության գործակալությունը (NSA):
Մյուս օգտահաշիվները պատկանում են՝ Գերմանիայի, Նիդեռլանդների, Թայվանի և Մեծ Բրիտանիայի պետական գործակալություններին:
Դեռևս անցյալ տարվա դրությամբ Գերմանիայի տեղեկատվական անվտանգության դաշնային գրասենյակը (BSI) նախազգուշացրել էր VirusTotal-ի կասկածելի attachment-երի մասին` նշելով, որ դրանք կարող են հանգեցնել գաղտնի և կարևոր տվյալների բացահայտմանն ու գողացմանը:
Աղբյուրը՝ https://thehackernews.com/
